梁朝偉、楊千嬅和女子組合2R等，昨日凌晨在灣仔一間餐廳拍攝電影《地下鉄》，這場戲講述二人一齊慶祝聖誕節。
有消息指千嬅會跟偉仔有一場咀戲，她說：「吓，唔知喎，導演冇話我知。」今次千嬅與偉仔會合唱《地》片的主題曲，千嬅說：「偉仔唱得好好，呢次拍《地》片，我用咗好多身體語言做內心戲，不過我同偉仔都扮盲人，我好驚做戲時摸錯地方。」
樂壇早前發生「舞影行動」，有指唱片公司高層這段期間已不敢跟電視台的高層吃飯，而千嬅今年頗有機會取得女歌手獎，她說：「我唔理，做番自己嘢。」
此外，有傳偉仔、劉德華和黎明三人合唱《無間道III終極無間》主題曲，偉仔說：「我唔會唱，佢哋兩個唱咪得囉！」
採訪、攝影：陳梅香、娛樂突發組