銀行公會一年一度的北訪活動，噚日正式展開，今次包括到廣州、北京兩地，一眾賓架同監管機構人員早上坐直通車出發，佢哋差不多都係標準深色「老西」裝扮，惟獨渣打銀行董事王冬勝稍有不同，身穿米色外套配同色系長褲，格外突出，可以講都幾瀟灑。
八方聽聞今次北訪，居中安排出力不少嘅係廣東銀行同業協會，佢哋統籌功夫一流，除咗全程喺廣州派員同本港銀行公會協調，噚晚又安排金管局同銀行公會代表乘船夜遊珠江。
此外，人民銀行廣州分行喺今次行程期間，對跟隨採訪嘅傳媒相當體貼，雖然一如以往無法入內採訪，但職員仍送上熱水，以中國嘅標準，相當難得。
傳真︰2623-9278
電郵︰