韓君婷和元華昨日為明晚的無綫台慶綵排跳舞，其中一個動作是韓君婷飛身撲進元華懷中，當韓君婷跟元華擁抱時，她豐滿的胸部正好湊近元華的臉頰，韓君婷請元華大吃「波餅」。不過元華卻抵死的表示幸好有一條「隧道」可以給他唞氣。
無綫明晚台慶，陳慧珊、佘詩曼、郭可盈、陳百祥（阿叻）、向海嵐、郭羨妮、韓君婷、元華和張可頤等，昨日在無綫將軍澳電視廣播城出席無綫台慶宣傳和綵排。
阿叻、元華、陳松伶和韓君婷等，昨日忙於綵排台慶演出的跳舞環節，韓君婷和元華這一對在練舞時，韓君婷要飛撲向元華的懷中，韓君婷豐滿的胸部跟元華的臉部貼得很近，問元華有否吃「波餅」？元華說：「冇，我食唔到，我都冇正面望住佢，我側咗面，都唔尷尬。」
問到元華與韓君婷這樣接近可會呼吸困難，元華說：「有條隧道可以唞到氣，韓君婷都好重，但佢都瘦咗好多。」
韓君婷則說：「華哥太瘦，佢好似條鋼筋，佢條腰頂到我條腰，我哋嘅動作，佢要主動，我就被動，不過大家合作唔尷尬。」而王賢誌和康華昨日綵排時，女方不時拗腰倒吊，現場所見，二人都非常合拍。
佘詩曼為了明晚的台慶，她已訂了性感晚裝，她說：「其實公司要我哋行天橋嗰啲衫重性感，我都會為咗靚啲，呢幾日節食。」
而對張玉珊的修身堂明日上巿，她自己篤爆纖體酬金天文數字的謊言，身為另一纖體產品代言人的張可頤對此說：「係誇張啲，總之唔好貶低我身價就得，我都怕稅局追，但財產數字保密。」昨日以長靴配短裙的她，在坐下時更不慎露底。
此外，問到周麗淇其姊周汶錡和杜德偉分手的事，周麗淇說：「佢嘅私人問題佢自己會講，佢開心咪得囉。我哋唔傾感情問題，佢都唔需要向我交代。」
對於無綫向製作部員工實施上午九時半返工，有員工不滿向立法會議員李卓人求助，無綫董事及集團總經理何定鈞昨日說：「係溝通上唔協調，唔係個個製作部員工都要呢個時間返工，公司呢個制度係想了解員工嘅返工時間，畀人事部做參考。」
採訪：王崇穎
攝影：陳慧安
