廣州直擊鄭秀文力撐DBTEL三天王

廣州直擊鄭秀文力撐DBTEL三天王

DBTEL喺香港都賣咗一段日子，今年廠方落重本催谷，更搵嚟鄭秀文做代言人，喺廣州大搞發布會，宣布推出旗下三大天王手機系列。當中預計呢個月就會喺香港開賣嘅會有5688、5688+及5689，三部外形都甚具韓風味，6萬5色彩芒搭16和弦，較搶眼嘅5688+及5689，分別有個時鐘及單色芒喺機面。想揀直身機嘅用家都一樣有選擇，2051及2051P外形一模一樣，只係單音及16和弦之分別，絕對係入門機生力軍。而預計12月推出嘅就有8036及8038，同樣摺機外形，分別有32及40和弦，其中8038用上大內芒，解像度有128×160，襯埋6萬5彩芒就睇得舒服。
記者：劉耀祥
攝影：林栢鈞

■雙芒摺機8036及8038，擁有更靚聲嘅32及40和弦，以靚聲靚樣搶市場。

■兩款直身機採用紅色機殼，甚為搶眼，呢款2051及2051P只在於單音及和弦分別。

■最快登陸香港嘅三款手機，賣相不俗，頗具韓風味道。