40周年，滾石今年推出精選碟《40Licks》，40LicksTour巡迴演出以香港為117場的終點站。咪嫌人老，MickJagger60歲，重生猛過好多16歲後生仔，音樂水準高，講精力佢直情係運動員體質，台上隨處跑。大部份創作人一出咗名，玩得嗰三年就食三十年老本，見過滾石先知佢地點解係國寶，同披頭四齊名。
同樣40周年有精工Seiko5。1963年首次推出，今年趁機推出Seiko5Superior紀念版，售$1,180。
Seiko5在香港俗稱「5仔」，5字意指5項賣點，包括：高速上鏈效能；結合SeikoMilligramWatchCaseRegulation及TensionRingSystem，提升防水功能；單視窗顯示屏，於3時位置同時顯示星期、日期；在四時位置裝置上鏈機芯，調校星期和日期；最後一項為採用金屬表帶。
講咁多技術都無謂，對愛表人士來說，5仔好處簡單地「準！襟！平！」。手表專欄作家EricSo就曾經說過：「玩表不一定買貴表，我就買過了不少5仔，真係好準。」
記者：何兆彬