如果大家向來有留意車壇消息的話，都應該知響剛過去嘅法蘭克福車展上，平治車廠曾展出備受車迷注目嘅SLRMcLaren；然而，由兩大德國雜誌《AutoZeitung》及《TVMovie》所舉辦嘅一項投票中，平治SLRMcLaren喺SportsCar級別中，憑着頗高票數，而榮獲AutoTrophy2003獎項，廠方因而對此感到十分高興。
廠方認為此車能獲大多數車迷支持，相信與新車造型及車廂布局甚具魅力，加上一台能輸出高達626匹馬力嘅V8Supercharged引擎配搭有關。未知身處香港嘅車迷，何時能一睹佢嘅風采呢？