大家喺上面見到嘅一班四川姑娘，就係噚日開始喺灣仔會議展覽中心舉行嘅「四川──香港合作發展周」，其實國內省市來港招商活動並唔罕見，但呢次就特別唔簡單，因為呢個活動係自九三年以來，四川省在港舉行層次最高、規模最大嘅活動。
四川省委書記張學忠同省長張中偉，今次率領四川省各級要員同著名企業幾百人來港，所以噚日畀面出席活動開幕禮嘅，除咗特區官員，不乏本港大孖沙如長實主席李嘉誠、新世界發展主席鄭裕彤、恒基地產主席李兆基、糖王郭鶴年等。
話說開幕禮喺噚日朝十點舉行，呢班大孖沙九點零鐘已經紛紛出現，個個等到差唔多十一點、開幕禮完晒先至走，其中李兆基更加移步到舉行開幕禮儀式大禮堂旁邊嘅展覽廳參觀，搞到在旁嘅彤叔不耐煩咁同李生話「喂、等你呀！」
（圖）咁大型嘅招商活動，老董梗要到啦，佢重同李超人（右）祝酒碰杯㖭。
傳真︰2623-9278
電郵︰