記者日前帶同讀者捐款探訪單親阿美母女，面色蒼白的阿美直言：「呢排我冇錢交租，正係好手緊嘅時候，好彩得你專登拎錢嚟幫我，真係好多謝你，好多謝各位善長！」
年近四十歲的單親媽媽阿美，曾任職寵物店售貨員、報販、酒樓侍應等，一向努力為口奔馳。惟因市道欠佳，阿美早前失業後一直無法覓得工作，面對拖欠三個月屋租及水電費困境，與兩歲女兒三餐也成問題。
阿美苦着臉說：「𠵱家經濟環境咁差，個個朋友都搵朝唔得晚，我以前問佢哋借落啲錢又未還，真係唔好意思再借錢！」
蘋果日報慈善基金早前曾撥款一萬二千元，助阿美清還拖欠的租金及水電雜費，以及應付與幼女的短暫生活。記者近日另將一筆合共八千六百元的讀者捐款交阿美簽收，她由衷表示﹕「希望捱過呢關之後，我好快就搵到嘢做，要擔擔抬抬都唔介意，始終有份工自食其力，至係長遠之計。」讀者如欲介紹工作給阿美，可致電：29908688與本報聯絡。
捐款編號：C1057
暖流熱線
電話：29908688
傳真：23702192
電郵：
網址：