維港巨星匯曲終人散，添馬艦塊地王唔知最後嘅命運會係點？
八方問當局，地王會唔會做番停車場益吓街坊？點知當局話短期內唔使諗，因為個場已經租咗畀人做世界嘉年華，一直做到明年初，咁冇法啦，班想泊平車嘅白領同的士司機大佬只好行遠啲。
正如八方早前講，塊寶地本來定咗起政府總部，因為沙士無端端抽起叫停，當時行政署署長黃公公話過呢個月底再定塊地嘅去向。
到時黃公公又可能話，個市好番，要再收集數據再定會唔會推出市場拍賣，反正政府莫水，乜都推得就推，拖得就拖。
傳真︰2623-9278
電郵︰