阿嬌承認纖體酬金冇百萬
Twins個唱開日場益小朋友

Twins將於今年年尾舉行四場演唱會，二人昨日於中環麗嘉酒店為演唱會舉行記者招待會。Twins透露會於演唱會上表演魔術，更會考慮加開日場，免得小朋友看到中途因太睏而睡着了。

組合Twins昨日穿了一條連褲管的衣服出席「Twins零４好玩演唱會」的記者會，二人舉步維艱。經理人霍紋希透露，現正考慮將Twins的演唱會加開日場，不過時間就會略為縮短，她表示：「由於Twins有好多小朋友fans，但係上次個演唱會有好多係打直行入去，一到十點幾就由媽咪打橫抱番出嚟，所以加開日場都可能會做個半鐘左右。」

「揼完骨成床濕晒」
蔡卓妍（阿Sa）於接受訪問時透露因為近來忙於拍電影《見習黑玫瑰》，弄得睡眠時間嚴重不足。阿Sa說：「我日日都好早開工，前日拍到凌晨時重發燒㖭。跟住有一晚我去揼骨時，個師傅都話我啲筋硬到好似琵琶咁樣，加上我又發燒出汗，所以揼完之後成件袍同床都濕晒。」
而鍾欣桐（阿嬌）昨日亦疲態盡露，她笑言：「我有一日收工之後去咗修身堂，點知做完之後我瞓着咗，搞到要同啲職員一齊收舖行後門走。」

「瘦咗後信心返嚟」
張玉珊日前澄清並非每個修身堂的代言人酬勞都有過百萬，問到身為代言人之一的阿嬌有多少酬勞時，她說：「我都冇講過有百萬，總之錢唔重要，最緊要係要瘦，瘦咗之後連自信心都返晒嚟！」
採訪：李珮洳
攝影：林德雄