自林振強的死訊傳出後，跟他合作過的歌星和音樂人如林敏驄、林敏怡、譚詠麟和黃凱芹等無不感惋惜，並謂實在是樂壇的一大損失。
林敏驄： 佢係我古往今來識得嘅填詞人中我最佩服嘅一位，佢有創意，文筆又好，我哋嗰時一首歌唔同版本嘅詞，如果我知佢有份作，我就會畀多啲心機，而且我都請教過佢作詞嘅心得，我最欣賞佢填嘅《心裡日記》。
林敏怡： 林振強份人好幽默，雖然唔多出聲，但就非常有料。
譚詠麟： 我覺得好可惜，林振強填嘅詞好特別，好到，不過同佢唔算太熟，因為搵佢寫歌詞都係監製聯絡佢多嘅，自從我唔攞獎後，都幾乎冇見過佢。
黃凱芹： 喺我心目中，佢性格開朗，好有幽默感。我重記得我第一隻EP，林振強已經幫我填詞。
鍾鎮濤： 我有首由佢填詞嘅歌《鸚鵡使者》，有句歌詞話隻鸚鵡走咗，咁就令街口嘅B哥好掛念，呢首歌嘅歌詞好特別。
巫先生（黃與林廣告公司舊同事）： 當年我喺佢姊姊（林燕妮）間廣告公司做嘢，林振強作風已經好大膽，唔喜歡按傳統諗嘢，鍾意創先河。