向來以剛強造型示人嘅Hummer，繼早前推出一款全新H2型號後，廠方又響最近舉行嘅某大車展上，展出咗一款名為H2SUT嘅新車；不但造型秉承原來Hummer車款嗰份剛強個性外，車廂設備配搭及性能表現，皆予人不俗之感。
廠方指H2SUT嘅車廂頗為寬敞，加上承托力十足嘅座椅，不但乘坐妥貼舒適，就算車上坐滿四名乘客，都仍有充裕嘅空間去讓你擺放物件，而且後排椅背可收摺放平，以增加載物容量。除此之外，敞大嘅天窗配搭，重可以畀到你有嗰種揸開篷車嘅自由感覺㖭！至於外形設計，則與現有H2相近，同樣來得剛勁富魅力，而圖中一部DirtSportsConcept，廠方更為其加裝多項車身配件，令造型變得更具魅力；引擎配搭則係以一台6.0公升V8偈作核心，馬力及扭力輸出分別係316匹及36.7kgm，匹配一套4前速自動波，性能表現毋庸置疑。新車有望於明年第三季推出，大家不妨拭目以待喇！
