【本報訊】小一自行分配學位的取錄結果昨公布，全港資助小學中最多人報讀的喇沙小學，每一人「中獎」就有六點五人失望，有「中獎」家長坦言：「好似買六合彩咁。」；失望的家長則批評現行計分制不公平。但也有部份成功獲著名官、津小學取錄的學生家長表示，對教育改革缺乏信心，會考慮放棄學位，改選直資學校。
共有八百多人報名的九龍塘名校喇沙小學，昨一早便聚集了大批緊張看放榜的家長。「喂！有你個仔嘅名呀！」慕容太太第一時間打電話向丈夫報喜，而曹太亦第一時間透過手機告訴丈夫：「有呀！有呀！」她說：「好似買六合彩咁，抱住得唔得都試吓嘅心態。我先生係天主教徒，今次係天主嘅安排。」
可是，獲取錄的只有一百一十二人。孫兒未能「中獎」的黃太坦言失望，並批評現行小一入學計分制不公平，「大家一齊喺幼稚園出嚟，應該用成績比試，唔應該用兄弟關係（入學）」。另一位家長梁太也指，「我先生唔係校友，個仔又冇哥哥喺度讀書，自己又冇去教會」，所以早就不敢寄予厚望。
昨到軒尼詩道官立小學查看「放榜」的潘太表示，已為兒子報讀了三間直資及私立名校，「官校唔使畀錢係一種好處，但係要畀錢嘅未必代表唔好，因為始終受政府影響少啲，你睇𠵱家教育都話要cut（削減開支）」，她會與丈夫謹慎考慮是否接受官校學位安排。
家住灣仔、任職文員的李小姐，昨得知女兒獲堅道嘉諾撒聖心學校取錄後，頻呼「好彩」，但她亦同時獲直資的港大同學會小學取錄，「聖心傳統啲，功課多好多；港大同學會好啲，冇咁多功課，好似啱我個女多啲」。
小一入學委員會主席張志鴻表示，「抽籤」失望的家長「怨都無謂」，現階段不必急於向學校求情，因為他們仍有可能透過中央統一派位進入心儀學校。