大市噚日大跌206點，但偏偏就有兩隻股份揀正噚日批股，其中包括經紀陳愛股之一的寰宇國際（1046），另外又有鋼鐵股萬順昌（1001）。
經紀陳話，由多種迹象顯示，兩股復牌之後，短線表現相信唔太好。
經紀陳又話，雖然佢以前經常推介寰宇，但由佢供股之時到𠵱家，股價已經升咗好多，尤其係最近一排，股價升得特別急，一條氣由0.15元抽上0.221元，據講係因為轉咗揸fit人之故，但股價抽高後，就即刻停牌搞批股，而且江湖重傳聞，批貨唔係落在少數人手上，貨源頗為分散，所以唔敢睇好。
至於萬順昌，理由亦有些少近似，上次大股東減持舊股後，股價都靜咗好一段日子，然後在近期抽番上2元水平，跟住隨即搞批股，所以估計短線亦會有些少沽壓。
不過，近期芬佬追捧鋼材股，萬順昌亦會受惠，加上又有業績支持，所以中長線唔應該睇得太淡。
慕容小初