明星張玉珊進軍商界已有一段日子，佢做主席嘅公司修身堂噚日正式召開記者會，公布上市計劃，當然少不了向傳媒派發旗下修身健康產品，出席記者會嘅女行家梗係人人有份。
八方覺得最有趣嘅係，經常見慣娛樂版行家嘅張小姐，對於財經傳媒嘅問題會否應接不來呢？但佢果然有備而來，講起數據都絕對難佢唔到，即使問到一些冷門問題如壞帳率，佢都即時答得出，真係令人有啲意外。
問到為何業績在今年四至六月間沙士疫情肆虐期間也錄得可觀增長？張小姐就笑住話係因為人人在沙士期間不敢出街，身材即時走樣，故疫情紓緩後立即去修身，令生意大好。原來沙士唔會摧毀經濟，重帶來無限商機，咁嘅理論，張玉珊首創，睇嚟可以角逐諾貝爾獎。
不過，呢位成功女人背後的嗰個男人，噚日就沒有現身記者會喇。
（圖）張玉珊做主席嘅修身堂噚日公布上市計劃，面對財經傳媒嘅問題都有備而戰。
傳真︰2623-9278
電郵︰