上個禮拜五港股表現沉悶，恒指上下波幅得100點左右。當晚美股就先升後跌，投資者藉經濟數據參差及企業業績未符預期，趁機沽售晶片股及生科股獲利，部份資金則換馬至表現落後的藥股及醫療護理相關股份，紓緩咗大市嘅沽壓，結果杜指上周五收市跌69點，納指就唔見37點。
石化股調整完成，有再展升浪之勢，國企中以上海石化（338）同北京燕化（325）為首選，紅籌中則以大慶石化（362）最值得留意，一來同類股中佢PE最低，二來在過去幾個月冇點大升過，一破位而上，升幅會好可觀。
大慶主要生產潤滑油及防腐塗料，前者專供大型機器及汽車使用，後者為飲用水管道、大型基建及船舶專用。03年度（6月年結），集團營業額3.6億元，升20%，盈利8442萬元，升10.8%，每股盈利9.7仙，末期息派0.11仙，另紅股20送1。
以往績計，大慶PE僅7倍，明顯比同類股的10至12倍為低，加上現年度盈利續有進，PE更低。
中國雖然話明年會調整投資架構，但大型基建唔受影響，大慶生產防腐塗料，以競投大型項目為主，市場需求仍極殷切。就以杭州灣大橋為例，第一期合約已供貨，整條大橋總投資118億元，而防腐部份投資約佔10%，集團有信心在競投其他合約時佔有優勢。
另外，總投資達50億元的黑龍江磨哈引水工程亦提供頗大商機，集團已部署競投，工程預期在05年開始施工。公司亦正與多個省分及主要城市進行磋商，以提升其飲用水輸送系統及南水北調輸水工程項目。
中國汽車市場熾熱，亦令到潤滑油的需求大增，集團已透過收購合併，向內地第2大潤滑油供應商的目標邁進，同時透過現行的銷售網，拓展歐洲、美國及南亞市場。
04年度，集團主力增產的防腐塗料將會提供更大貢獻，估計盈利可上升至1.15億元，每股盈利12.3仙（已就送紅股調整），以石化股屬偏低的8倍PE計，大慶股價已可升上1.0元水平，現時入市，利潤可高達50%。
郭兆誠