陳慧琳（Kelly）打扮一向甚有心得，加上她高䠷的身形，所以不時會選購一些歐洲品牌的服飾，她自言最鍾情法國品牌Chloe，因款式嬌豔有型。Kelly提議女士們今年秋冬不妨多穿鮮色襪褲，突出腿部線條美。
陳慧琳向來有御用形象師代購衣服，但她也會親自去選購服飾，也有自己鍾情的品牌，她日前穿了一件法國品牌Chloe的上衣及黑色短裙錄影節目，配襯同牌子的頸鏈。
Kelly表示很鍾愛Chloe的服飾，她說：「呢個牌子啲衫嘅design同cutting都好靚，所以我一向都有買佢嘅衫，加上我覺得佢啲衫女性化得嚟又好有型，再戴埋呢兩個鏈墜，可以話係型上加型。」
Kelly更強烈推介各位女士，於秋冬時不妨多穿一些顏色誇張鮮豔的襪褲，她說：「我呢對襪褲已經係十年前買落，我奉勸一啲擁有修長美腿嘅女士，今季可以盡量着多啲顏色比較鮮豔嘅襪褲，凸顯線條美。」
Kelly當晚穿上法國品牌MartineSitbon的高踭鞋，配襯一對鮮紅色襪褲，凸顯她一對修長美腿。Kelly指高踭鞋的特別之處，在於鞋上的拉鏈，她說：「着高踭鞋可以令對腳顯得修長啲，我亦都鍾意揀一啲圓頭嘅款式，因為着得耐都冇咁攰。」
採訪：李珮洳
攝影：仇志德
