浸會大學傳理學院為新聞行業栽培咗好多人才，前晚搞咗個盛大晚宴，有成三百五十人出席，慶祝學院成立三十五周年，並且成立校友會（三十五年至成立，都算醞釀得夠耐），由鄭廣才做首屆會長。
浸大下個月三號會舉行畢業禮，當然要頒授名譽博士學位。今年有四位名人中選，就係研究細胞色素聞名的陳長謙教授，在本地會計界有盛名的張建東，著名語言學家許嘉璐教授，最後一位係攞過諾貝爾獎嘅丁肇中；丁教授的成就，唔使八方介紹。呢張名單，包括台灣、香港、北京、美國四地嘅傑出華人，五湖四海，校長吳清輝果然識撈。
（圖）浸大傳理學院創立三十五周年，（左起）傳理校友會首屆會長鄭廣才、副校長（拓展）范耀鈞、校長吳清輝、傳理學院院長汪琪同各系系主任一齊切蛋糕慶祝。
傳真︰2623-9278
電郵︰