維港填海嘅爭議引起全個社會嘅熱烈討論，大人拗到面紅耳熱，小朋友都唔輸蝕，參與埋一份。五歲嘅幼稚園學童羅兆茲用圖畫來表達不滿，佢幅作品描繪咗上個月市民喺中環舉行藍絲帶保護海港行動嘅情況，有啲叔叔舉起紙牌示威，紙牌上面有個人形公仔，兆茲話個公仔係董建華，因為政府填海，海洋同天空係自然資源，阿董填海，變為自然界公敵，所以佢唔鍾意董建華。
董伯伯嘅民望低到咁，連五歲小朋友都唔妥佢。呢位倒董新彗星嘅幕後黑手，唔係陳方安生，亦唔係美國，就係佢爸爸，爹哋羅仲華半生都喺灣仔工作，日日對住個海港，唔想愈填愈窄。
（圖）羅兆茲小朋友話，因為政府填海，所以唔鍾意董建華。
傳真︰2623-9278
電郵︰