唔覺唔覺，油價由上月低位至今彈升番10%，油股升得有道理，且個勢未盡，芬佬買油股唔手軟。
主角油股係中石油（857），上月高位係2.90元，上周五收2.825元，睇怕短期內有機會創新高，可以揀啲Call輪買吓，對象係9881與9901，兩件都係較多人買賣。9881明年6月到期，輪價69仙，溢價1.6%，槓桿率4.1倍。9901明年8月到期，輪價38仙，溢價8.3%，槓桿率7.4倍。穩陣派買9881，稍為搏殺嘅買9901。
中海油Call輪揀9032，明年6月夠鐘，輪價23仙，溢價7.9%，槓桿率6.5倍。隻輪波幅大，冇悶場。正股（883）升跌幅度唔細，隻輪跟得好貼。
中石化Call輪揀9909，明年7月到期，輪價45.5仙，溢價4.5%，槓桿率5.3倍，隻輪交投唔算多。
國內汽車股有勢，駿威（203）上周初因為做唔成恒指成份股，散過一陣，低見6元邊邊，最後6.75元埋單，低位反彈1成，1周升幅30仙。留意Call輪9070，明年3月到期，輪價2.125元，溢價2.6%，槓桿率3.2倍。若嫌9070槓桿率細，爆炸力唔多夠，可以選擇9223，槓桿率去到6.4倍，但要畀17.5%溢價則似乎唔值得。
章 盛