阿明從來沒想過自己有一天竟要四處叩門討飯吃，那種滋味對他來說，實在相當難受。「我覺得自己𠵱家就好似乞兒、流浪漢咁，呢包米、呢啲即食麵同罐頭，都係社區中心啲姑娘可憐我，送畀我食嘅，我真係唔想以後都係咁，好想快啲搵番份工。」阿明連聲歎氣說。
三十九歲的阿明，自中五畢業後便投身社會工作，由製衣廠的辦公室助理一直擢升至成衣跟單員，月入約有一萬元。可惜近年本港製造業萎縮，阿明屢次經歷裁員失業，今年五月，他不幸再次加入失業大軍。
「我已經冇乜要求，亦唔期望搵番以前嘅人工，只係人哋一聽到我成四十歲，就連面試嘅機會都唔畀我，好無奈。」阿明表示，這半年來，僅靠早前離職時發放的遣散費生活，惟目前到達山窮水盡的困境。
阿明一向為家庭經濟支柱，單身的他負起照顧雙親的責任，這幾年間，父母又不幸患病及先後離世，醫療費以至殮葬費由他獨力支付，故此早沒有積蓄。「𠵱家我不單止冇飯食，而且三個月冇租交，電費單亦都過晒期未畀，房屋署已經出咗最後通知書，隨時會收屋，到時我可能真係要瞓街。」
為了謀求新出路，免得坐以待斃，阿明現在正報讀再培訓局的保安課程，並積極尋找工作，惜始終未能解燃眉之急。
蘋果日報慈善基金有見阿明境況堪憐，已即時撥款八千元助他清還欠租、電費，及暫時應付三餐需要。
捐款編號：C1180
暖流熱線
電話：29908688
傳真：23702192
電郵：
網址：