繼推出新一代Megane及Scenic後，法國雷諾車廠又再為旗下嘅Clio車系，推出略作改動嘅新版本；新車不但外形及車廂設備變得更美觀實用，就連引擎配搭亦有改動，以迎合不同車迷嘅需要。
雖然新車嘅外表望落與現有型號相近，但當細心留意下，定能察覺到新車嘅泵把屬全新組合，望落去甚具吸引力之餘，廠方更安排有多種不同車身顏色供用家選擇㖭！車廂方面則仍舊來得寬敞舒適，設備配搭就略有改動，實用性較前來得更強；然而，廠方又為Clio安排有一台全新1.5公升dCi柴油引擎，馬力及扭力輸出分別係100匹及20.4kgm外，而且重有低廢氣排放及低耗油量嘅特性。至於備受車迷追捧嘅ClioRenaultSport2.0型號，廠方亦將其一台2.0公升引擎嘅輸出調升至182匹，而高達20.4kgm嘅扭力峯值更於5250rpm發出（較前提早咗150rpm），從而令性能表現變得更強更勁。未知身處香港嘅車迷，何時能夠與新車見面呢？