黃琛如和蔣怡等昨日出席跑馬地一間獸醫診所開幕，各人拖狗帶貓，有如參加小型貓狗展。黃琛如表示會公開為其八哥狗仔徵女朋友，順帶也為自己徵求男朋友。蔣怡則帶了愛犬「忌廉」及家貓到場，但其愛犬見到同場的狗隻便左跑右跑，不受控制。
昨日跑馬地一間獸醫診所舉行開幕禮，蔣怡、陳百祥（阿叻）和黃杏秀、葉佩雯與男友Eric、黃琛如、韓君婷和余文詩等攜同愛犬到場。
黃琛如身穿性感小背心，不時俯身抱其八哥狗仔，盡顯驕人上圍，黃琛如說：「𠵱家隻狗仔一歲，我希望幫佢搵女朋友，所以要公開徵婚，順便幫自己徵埋男友。」
而蔣怡帶同愛犬「忌廉」到場，大貓則伏在她肩上，初時相當和平，但當「忌廉」見到其他狗隻便左跑右跑，弄得蔣怡手忙腳亂，蔣怡說：「佢平時好聽話，不過見慣貓，唔習慣見狗，所以好激動，搞到我都出晒汗！」
蔣怡續說：「我隻貓就叫GadoGado，係印尼一種沙律嘅名，因為我好鍾意食呢種沙律，咪幫佢改呢個名囉！」蔣怡與男友Dickson一家養了一頭狗、六隻貓及一隻倉鼠，支出不菲，她對此說：「我啲貓都係野貓，唔係好矜貴，冇乜病痛。反而『忌廉』就腸胃敏感，經常肚屙，𠵱家有獸醫sponsor，慳番唔少錢！」
阿叻則帶同七個月大的大白熊犬到場，他表示愛犬從加拿大運來港時花費六千元，比購買狗仔的價錢更高，阿叻又揚言家中所有愛犬已做了絕育手術，他說：「我都唔留種啦，我自己都好似閹咗咁，唔生細路啦！」
採訪：HoWingNing
攝影：RickyChan
