人權監察噚日改選主席，八方以為原本朱耀明牧師唔再做主席，光榮引退，呢類吃力不討好嘅位應該冇乜人爭，點知佢哋位秘書AaronNattrass忽然話要爭主席位，除咗力數幹事羅沃啟做事有問題，重搵咗幾十個外籍人士走去人權監察會址樓下，要求即時入會，成為有權投票嘅會員，搞到人權監察要搵幾個保安守住門口，氣氛緊張。
據悉AaronNattrass一直喺律師樓做行政工作，做咗人權監察秘書後，成日爭住去開會做發言人。最神奇係7.1之後，佢用人權監察嘅信紙寫信畀老董要求約見，又話叫阿董唔好辭職，其後羅沃啟批評佢嘅行為係背叛。由於Aaron兄嘅支持者唔符合十月三日前入會嘅規定，冇資格喺今年改選時投票，結果新主席亦順利由夏博義大律師當選。
傳真︰2623-9278
電郵︰