梅艷芳個唱前晚繼續舉行，請來楊千嬅與林憶蓮任特別表演嘉賓，阿梅介紹憶蓮出場時說：「我同呢個嘉賓有個共通嘅朋友，我哋要唱呢首歌嚟懷念佢。」二人隨即合唱張國榮曾翻唱的《明星》，之後阿梅說：「佢喺我心目中永遠都係一個明星。」
憶蓮與阿梅在台上表現得十分客氣，憶蓮說：「等咗好耐，好開心阿梅請我做嘉賓，我哋都識咗十幾年。」阿梅謂：「我哋同嗰個朋友都識咗咁多年，大家要珍惜𠵱家擁有嘅一切。」憶蓮大讚阿梅生命力強，又指她走的路很辛苦。
前晚劉嘉玲、余安安、周麗淇、薛家燕與黎小田、白韻琴與謝偉俊，蘇志威與劉小慧帶着愛女到紅館捧場。
而阿梅的紅館個唱昨晚演出至尾場，嘉賓之一的劉德華於開騷前還與阿梅及陳奕迅等一同到後台門口上香，祈求演出順利，阿梅與華仔上香後有說有笑。
昨晚捧場嘉賓有何鴻燊三姨太陳婉珍、梁家輝一家、鍾鎮濤與范姜、鄺美雲、曾華倩、楊紫瓊及袁彩雲等。
採訪：胡比 攝影：陳慧安