消委會副總幹事李介明下周一榮休，李副總可算係消委會開國功臣，七四年創會初期已經加入，後來消委會獨立於政府，本來喺公務員嘅李介明重放棄攞長俸嘅機會，留番喺消委會：「因為呢份工日日有新嘢，梗係啦，消費產品日新月異吖嘛。」
消委會班同事除咗搞咗個歡送會，重送咗本用電腦合成、用佢做封面嘅《選擇月刊》畀李介明；原來佢二女當年真係做過封面，「嗰陣八幾年，同事搵咗我三歲嘅女拍封面。」如今李小姐已經結埋婚㖭。今時今日，《選擇》已經用咗明星做封面，而當年第一個封面就係已故藝人張國榮。至於李師兄嘅空缺，就由現任研究及普查部首席主任劉燕卿頂上。
（圖）李介明嘅二女三歲時做過「封面女郎」。
傳真︰2623-9278
電郵︰