鐵騎勇鬥士一向是雄赳赳的男子漢的專利品，不過，今日上演的澳門汽車會（電單車）盃，二十九歲的香港女車手徐樂思將會在東望洋賽道上演她的處女作，與一眾猛男爭輝。
本身在電單車網站ibike.com.hk擔任試車員的Loretta（徐之洋名），自小熱愛「兩個轆」，十九歲已領得電單車牌，有近十年的駕車經驗，甚麼大包圍、街車、綿羊仔，全部都曾是她的座駕，目前Loretta以有「熱火戰羊」稱號的Runner200代步。
對於首次參加澳門大賽車，Loretta表示：「鬥東望洋係我自小嘅夢想，我咁鍾意電單車，一生人點都要鬥一次。今年多謝鴻興車隊全力贊助，我只係帶張身份證就可以來鬥車。」
事實上，由於Loretta只是上周一才作決定參賽，籌備時間非常緊迫，她說：「呢架本田RS125係朋友借畀我嘅，之前從未試過，上星期四我特登上東莞試車，所以對架車嘅性能唔係太熟，排位賽暫得尾三成績。至於今次目標，我希望正式比賽時順利完成就已經好滿意、好突破啦。」