區議會投票日臨近，自由黨主席田北俊頻頻落區幫黨員拉票，噚日朝去立法會開會前，先去沙田同王屋區候選人梁志偉洗酒樓，田少現身，勁受街坊歡迎，連佢自己都有啲意外，「可能我少落呢區，街坊覺得我有新鮮感，咪猛搵我影相囉。」
田少難得去沙田，順便探測民情，經過間粥舖，見到有油炸鬼新鮮熱辣出爐，即刻食指大動，「搵勻山頂都冇新鮮油炸鬼，下次跑完馬要嚟試吓。」
有候選人呻話因為對手係業主立案法團主席，拉票時遭諸多留難，田少由細到大都住獨立屋，自然唔多了解多層大廈管理問題，但就指示黨員第日要多啲做法團主席，「我收租嗰啲大廈，畀邊個候選人貼海報都得。」
傳真︰2623-9278
電郵︰