一次金像獎頒獎禮，林嘉欣衣着品味被人彈。可能因為咁，佢決心纖體，誓要着靚衫。「減咗磅着衫都靚啲，以前着唔到的，𠵱家都着到。」自信心返晒嚟，拿揑得好大有進步。除了狂煲《流行通訊》、《i-D》及《Vogue》等潮流雜誌，她現在更會嘗試不同的造型。但嘉欣強調，着衫最緊要舒服，今日就等佢即場示範自己簡約而具風格的時裝，推介秋冬5項必備Item。
記者：梁珮瑜攝影：黃子偉
髮型：Kenji、Hin@IlColpo 化妝：KeiKei
配件絕對是女士不能少的恩物，令簡單裝扮變得不平凡，嘉欣推介秋冬必備Boots及飾物。長或短的Boots均是冬天必備，容易襯衫。「另外，在簡單淨色的衣服上，只要加件誇張或夠玩嘢的飾物，感覺立刻唔同晒。最近我喜歡戴耳環，戴咗感覺精神啲，單吊戴一隻好型，一對就女仔啲，可隨意配襯衣服。」
嘉欣着衫最緊要輕鬆舒服兼實用，最愛原來係質地柔軟有睡衣Feel的衫，甚至係靚到可以着出街的真正睡衣。「最愛TsumoriChisato的Sleep系列，香港無得買，每次去日本都會入貨，件件都會好想買！而最近又愛上扮破爛Vintage感的衫，同埋70's感覺的adidas超貼身Jacket。」
着衫講求舒適實際，嘉欣冬天首選係簡約毛毛褸。直身修身的簡約中褸，視覺上無咁腫又無咁肥。或者選擇質地厚玩腫脹的褸，擺明款式係厚身，所以亦唔覺肥。
並無近視的嘉欣，偏偏又最愛戴眼鏡。「我好鍾意簡約的膠框眼鏡，已經儲有十多對。無化妝時我會戴眼鏡，而且眼鏡亦係Trendy飾物之一。」
將T恤玩Layer變款，亦是嘉欣喜愛的穿法。「長袖T恤打底，再着夏天的短袖Tee上面，Mix&Match任玩任襯都得。打底長袖係花花圖案就更靚更有層次感！」
嘉欣：「秋冬必入冷衫，保暖又有型」。鮮黃冷外套$995，珠片鹿仔上衣$790，多袋斜布褲$590，Vintage長靴$1,580。（allfromPinkLabel）
最滿意
嘉欣至今最滿意的一次裝扮，就係早幾日她出席手表活動時的一個CasualSmartlook。「CosmicWonder外套襯TsumoriChisato上衣打底，加上化妝及髮型的配合，是暫時最鍾意的一次打扮。」
最失敗
去年香港電影金像獎，嘉欣穿牛仔褲出席，結果被批評不尊重大會。「當時因為肥，試咗60套晚裝禮服都無一件合身，最後都係覺得牛仔褲最好。呢次係最失敗的一次。」
售賣點：Couple（25041888）
銅鑼灣柏寧酒店StyleHouse1.13號舖
