譚詠麟（阿倫）、尹志強、米雪和簡炳墀，昨日到理工大學出席「理大金城營造高爾夫球邀請賽」記者會。阿倫主持開球儀式，揮了六桿才入洞，簡炳墀示範時則一桿入洞。阿倫說：「我以前一星期打五日，𠵱家太忙，五個星期都打唔到一日，好耐冇打，反而我晚晚踢波。」
阿倫今日到大馬雲頂出席「紅人金曲獎頒獎禮」，領取「音樂終身成就獎」。提到有傳歌手幫無綫拍劇換獎，而克勤近日為無綫拍音樂劇，阿倫說：「咁個音樂劇咪要擺好多人落去？你估一定有獎攞咩？」有雜誌拍到梅艷芳與阿倫綵排時，阿梅幾乎暈倒，阿倫說：「冇呢件事，我係當事人都唔知，我成日攬住佢啦，佢係我細佬嘛。」