自從瑞典富豪汽車嘅代理權，易手畀新加坡資金嘅維信汽車之後，唔少人都抱住觀望態度，睇吓新代理新作風下，有乜新作為喎！
而事實上，不少用家嘅目光都放響富豪首度研製CitySUV嘅XC90身上；及後經亞Mark打探過，原來外間對新車嘅反應甚為理想，銷情直線上升，至今經已收過30部Order，響譚Sir嘅英明領導下，表現果然不同凡響呢！然而，據亞Mark所知，嚟緊12月佢哋又有新搞作喇！咪係部走高性能房跑車路線嘅S60R囉！相信當新車正式推出之時，定會進一步改變舊有富豪汽車嘅形象，又豈止走房車路線嘅老實派呢！若你有興趣親身接觸吓富豪S60R的話，就不妨多等一會喇！