澳門格蘭披治大賽車花絮

馬清揚趕場考體力
香港著名車手馬清揚噚日認真忙碌，中午完成東望洋大賽練習，然後就要進行保時捷亞洲挑戰盃練習，休息唔夠三個鐘，就要參加東望洋大賽排位賽，一日趕三場，真係少啲體能都應付唔到。

名人鬥車有睇頭
今年除咗高手臨立嘅保時捷亞洲盃吸引外，原來禮拜六嘅雷諾方程式亦有瞄頭，有車神盲亨兒子詹家圖、破咗產嘅李萬祺、澳門財爺個仔艾明達及台灣小旋風林志穎等。但講到成績，噚日試車時就俾兩名十七歲既日本小子中嵨一貴和小林可夢偉威晒。

張煒安好恨捧盃
噚日係試車及部份賽事第一節排位賽，但眾車手搏到盡，卒之發生多宗意外，好彩唔算嚴重，全日只係有兩位車手送院檢查啫。而今日舉行多場排位賽，係各車手必爭之地，尤其兩場電單車，香港車手張煒安開晒腔要重奪失落兩年嘅冠軍獎盃，睇吓點。