李克勤自去年在無綫《勁歌》總選中奪得最受歡迎男歌手後，信心大增，決定明年大舉進軍台灣和內地巿場。克勤上一次推出國語唱片已是七年前的事，但成績一般，現在他挾着香港最受歡迎男歌手之名，可望大展拳腳。
李克勤、宣萱和黃伊汶日前在赤柱拍攝無綫大型音樂劇，早前有消息指不少歌手為爭奪年底的《勁歌金曲》總選獎項，紛紛自薦效力無綫，結果一直被暱稱為無綫契仔的克勤，脫穎而出獲挑選擔任音樂劇主角。
問克勤是否覺得為無綫工作可優先換取獎項，他日前說：「成日話我係無綫契仔，係大家錯覺啫，因為我又平又抵用，無綫先至成日搵我，當然年尾係最後衝刺期，我都會盡量做多啲。」
已成功打穩本地巿場的克勤，明年有意進軍台灣和內地巿場，推出國語唱片，克勤說：「我真係好希望可以試吓去海外發展，但都要睇唱片公司點樣安排，因為對上一隻國語唱片已經係大概七年前嘅事，當時嘅成績只屬一般，所以我都有向唱片公司主動提出開拓台灣同內地巿場。」
克勤跟唱片公司明年約滿，但雙方現在仍未達成協議，而其他唱片公司亦開始向克勤招手，但他卻認為做生不如做熟，克勤說：「其實錢唔係最重要，間間都差唔多。而今次續約可以推出國語唱片係必要條件，𠵱家重係敏感期，等過晒年尾頒獎禮，忙完就再同唱片公司傾吓。」
採訪：卓寶花 攝影：陳偉權
