名模琦琦最近再度拍攝護膚產品廣告，她表示很喜歡廣告中的工作間布景，還打算將設計搬進家中，給老公任達華一個驚喜。談到冬日護膚心得，琦琦表示除了可用熱毛巾敷臉去死皮外，一杯熱鮮奶溝蜜糖亦能養顏。
名模琦琦一直是護膚品牌SK-II的代言人，日前她再度為SignsTreatment臉霜拍攝廣告。廣告商為襯托充滿時代感的琦琦，特別設計了一個時髦的工作間作布景。
身為名模的琦琦，對扮靚護膚十分在行，問到其冬日護膚心得，她說：「我可以教大家一個方法，係用完臉部按摩膏按摩臉部之後，再用熱毛巾敷臉，咁樣皮膚唔單止更加吸收，重可以順道去埋死皮，效果幾好㗎。」
琦琦續說：「奶奶教我飲紅棗水，而我就好鍾意用熱鮮奶加一茶匙蜜糖，好滋潤養顏。我平時都習慣飲暖水，咁樣對身體會好啲。」
琦琦又表示很欣賞廣告中的工作間設計，她說：「我覺得好靚，我已經搵設計師參考有關設計，諗住幫間屋重新裝修。以前我同老公（任達華）未結婚時，佢一個人住，所以間屋好簡約，但自從我哋結咗婚後，雜物多咗，所以我好想趁老公𠵱家喺南非拍緊戲，我就先將屋企裝修好，等佢返嚟有個大驚喜。」
採訪：比華利
