陳秀雯和馬景濤五年多前合作拍劇鬧不和，掀起罵戰，日前二人出席亞視新劇記者會時再碰頭，鏡頭前二人出奇地親切，冰釋前嫌，日前二人更堅稱：「我哋係出於真情流露。」
五年多前陳秀雯和馬景濤拍攝亞視劇集《天長地久》時，曾掀罵戰，互數不是。
日前陳秀雯和馬景濤出席亞視新劇《愛在有情天》記者會時，竟攬頭攬頸，儼如情侶般親切，與當年反目態度截然不同，果真人生如戲！
由冤家化敵為友，二人難免給人作狀感覺，陳秀雯和馬景濤日前接受本報訪問，陳秀雯說：「我一向都唔會理人哋點睇我，我哋係成熟演員，唔需要為拍一套劇而做呢場戲，今時今日嘅感覺係真情流露。」
今次兩人有緣再度合演情侶，陳秀雯即大讚拍檔說：「小風波後再見番馬景濤，感覺佢成熟開朗咗好多，再合作相信會有更大嘅火花。」馬景濤亦賣口乖說：「陳秀雯比以前美麗、年輕和性感得多。」
問二人會否擔心今次合作再度上演昔日鬧劇，陳秀雯說：「大家早已經將件事擺低咗，其實係好小兒科，回想起都覺得好笑。今次喺劇中我哋都有好多深情戲，我哋鬧交時拍劇都咁有默契，所以絕對唔擔心。」馬景濤亦直言為當年的不和事件感到抱歉，能夠再次跟陳秀雯合作，是他多年來的心願。
採訪：卓寶花
攝影：林德雄
