張文慈有見今年冬季流行白色，她日前急不及待以一身「白雪公主」打扮示人。張文慈表示每季會花約十萬元置裝，她並不會完全挑選潮流衣着，有時會把一些潮衫配搭其他款式衣服，實行大玩自我創作的mix&match。
今季冬裝都流行白色，張文慈日前以一身「白雪公主」的裝扮往紅館欣賞梅艷芳演唱會，非常搶眼。她表示每季都會花費約十萬元置裝，希望以煥然一新的感覺出席公開活動。
張文慈日前全身的白色打扮，都是購自尖沙嘴Charcoal的時裝店，上身的毛毛背心只售八百元、白色百褶短裙售二千五百元，腳上的白色長靴售一千五百元。張文慈說：「我平時好鍾意睇歐美嘅時裝雜誌，留意吓人哋點樣配襯。不過就算點潮法，我都未必會照辦煮碗，因為未必啱自己嘅風格，通常我都會揀少少同潮流有關嘅衣物，然後再mix&match，咁樣先可以有自己嘅style。」
因為全身白色，若再揹一個同色的手袋，會顯得太素，所以張文慈配了一個銀色手袋，她說：「呢個手袋夠大個，方便又好襯。我係喺日本買嘅，大約一千蚊，好抵。」張文慈表示很多時會在香港買服飾，喜其選擇多，但當出埠旅行，她便會趁機瘋狂購物一番。
問到張文慈的護膚和化妝心得，她說：「基本上我選用化妝同護膚品好濫，乜嘢牌子都會用，係『雜牌軍』。」檢查張文慈隨身的化妝袋，發現她的化妝用品牌有Chanel、ISPA、RMK和植村秀等。張文慈說：「好多人鍾意用含酒精嘅收縮水，但我就建議大家可以試吓用一種唔含酒精嘅玫瑰水，佢對皮膚好好，可以洗完面後用，當收縮水咁用。」
採訪、攝影：比華利
