細個爭玩具　大個爭男友
2R為雄性黃伊汶反目

黃伊汶在網劇中反串做男人，更一腳踏兩船和2R姊妹花拍拖，令二人反目。劇中Race得悉Rosanne和她爭男友，氣得翻舊帳說：「細個嗰陣，你同我爭玩具玩，大個竟然同我爭男友！」

黃伊汶（Emme）夥拍人氣女子組合2R演出now.com.hk最新網劇《是像愛人2之扮公少女》，Emme在劇中黐鬚、穿西裝反串男角，一腳踏兩船追求2R姊妹花。
Emme起初與黃婉君（Rosanne）拍拖，其後在卡拉OK認識黃婉伶（Race），雙方一拍即合，Emme盡享齊人福。一日三人撞個正着，Race才如夢初醒兩姊妹分享一個男友，她怒目對Rosanne說：「細個嗰陣，你同我爭玩具玩，大個竟然同我爭男友！」姊妹關係決裂。

公園玩到甩鬚
問2R現實中兩姊妹喜歡同一個男人，會如何處理？她們不約而同說：「我哋對男朋友要求同準則都唔同，鍾意同一個男仔嘅機會，幾乎係微乎其微。如果真係發生，就大家都唔揀佢，因為男朋友未必一世，但姊妹就係一世嘅！」
Emme則說：「我都唔係一個會一腳踏兩船嘅人，無論我幾鍾意男友都好，只要俾我發現佢對我不忠，我都會斬情絲，同佢分手。」
此外，提到網劇其中一幕Emme與Rosanne在郊野公園拍攝放風箏戲時，導演突然叫停，原來Emme的鬍鬚不見了一邊，結果要再拍。而Rosanne因為穿上背心長裙，雙肩被蚊子叮致一片紅腫，事後Rosanne更笑說擔心會因而染上登革熱。
撰文：張止寒