噚晚沙田跑夜馬，因為第七場係中華總商會盃，所以八方都入馬場湊吓熱鬧，跑到第三場揭開馬簿見到有隻新馬叫「另具一格」，馬主係立法會主席范徐麗泰、佢先生范尚德同公子Andrew范駿華合夥養嘅，臨場重由十二倍打到落八倍，結果梗係落飛得手啦，之不過拉頭馬個陣只得范尚德同佢公子范駿華，唔見范太嘅蹤影。
范尚德同八方講范太因為立法會開會趕唔切入場，至於隻「另具一格」係佢自己響新西蘭買番嚟，身價大約三十八萬港紙，范尚德笑笑口話物超所值，八方計一計扣除騎練個份，今場范尚德淨袋獎金有成二十三萬，經已回本一大截，難怪佢話物超所值咯。
（圖）「另具一格」騎師唐士庭（左）大讚馬主范尚德（右）好眼光。
傳真︰2623-9278
電郵︰