明星入秋恩物
陶喆必買adidaszip-upjacket

adidas堪稱數一數二的經典運動品牌，不僅波鞋受年輕人追捧，連出產的服飾亦相當受歡迎，當中尤以zip-upjacket的人氣指數最高，一眾藝人如陶喆、梁漢文及黃耀明等均有一件守門口。

平日穿慣華衣豔服的藝人，公餘時多愛以簡單舒適的T恤配牛仔褲打扮，近日天氣開始轉冷，各人紛紛添上一件三葉logo的zip-upjacket，有型又易襯，其中大部份藝人都鍾愛adidas的zip-upjacket，幾百元可穿十多年，物超所值。

簡單容易襯
早前陶喆、梁漢文、黃耀明及李心潔等，均不約而同穿上adidasjacket示人。陶喆自言一向對adidas這個牌子十分鍾情，他說：「我本身好鍾意呢個brand，淨係佢嗰三間已經夠晒經典，至於zip-upjacket簡直係秋天嘅恩物。而且我平時着衫都唔係太過注重牌子，加上我覺得男仔好多時只要着一件普普通通嘅T恤，出面加一件zip-upjacket已經好足夠，簡單得嚟又好睇。」
而梁漢文則表示其adidaszip-upjacket是朋友所送的生日禮物，更透露從小到大都對adidas這個品牌有情意結。

襟興唔會out
梁漢文說：「其實我由細到大都好鍾意adidas呢個牌子，因為佢夠晒classic，平時出席一啲唔係咁隆重嘅活動就啱晒，只要襯一件T恤同牛仔褲就OK，啲款又永遠都唔會out，着幾年都咁襟興，近呢幾年adidas亦都有出一啲比較鮮色嘅衫，好啱年輕人嘅口味，不過zip-upjacket可以話係mustbuyitem，我相信每個後生仔都應該會有一件。」
採訪：李珮洳