噚日係孫中山先生誕辰一百三十七周年，港大特別舉行一個歷史偉人重歸港大活動，為呢位威水校友嘅紀念銅像揭幕，港大校務委員會主席馮國經、校長徐立之同副校監李國寶都有出席，負責設計銅像嘅中央美術學院司徒兆光教授，雖然行動不便及抱恙，仍遠道從北京而來。
司徒教授話今次可以設計孫中山像，係佢嘅光榮，非常有意義，呢個像亦都係佢咁多作品中最滿意嘅一個。
點知，港大就將孫中山嘅「國父」銜頭，橫加剝奪。聽講佢哋真係驚驚哋，覺得要自律吓，無謂激嬲北京。
大學有人認為，孫中山乃中華民國始創人，所以台灣方面稱之為國父，但𠵱家大陸係中華人民共和國，故此不便尊稱孫文為國父，以免尷尬。
八方又唔明，唔通港大同李登輝立場一樣，認為中華民國已經不存在，所以一國無父？香港人仍尊稱孫先生為國父，呢個與當今中國大陸誰人當權無關，港大係學術機構，應該尊重歷史，唔通港大已經變為暨南大學香港分校？
（圖）擺放喺港大嘅孫中山先生銅像噚日揭幕。
黎樹雄攝
傳真︰2623-9278
電郵︰