日本女星吉井怜克服咗急性骨髓白血病之後，似乎即刻有運行，佢復出藝能界冇耐，即刻接咗唔少job，最近又獲得麥當勞邀請，客串做一日店長。 吉井怜前日就喺東京南青山一間麥當勞入面「打工」，重同麥當勞叔叔一齊宣傳，佢呼籲啲人多啲捐錢，等慈善機構可以喺全國嘅醫院附近興建宿舍，幫助啲病童同佢哋嘅家人。