立法會噚日有好多議員為工程界議員何鍾泰（圖）同女助理嘅緋聞起哄。事緣《壹週刊》揭發已經六十幾歲已婚嘅何生，竟然喺四十幾歲嘅兼職譚姓女助理屋企過夜。
好多議員都話，無論真假，呢啲都係人哋私事，無謂多作評論，但係對於用立法會開支請「親密朋友」打工就有啲意見。黃宏發話，如果係親密嘅人，議員應該可避則避，而為免被人講閒話，自己盡量唔請女仔幫手，但強調唔係違反平等機會喎。
之後葉國謙重爆出驚人內幕，佢話唔知何鍾泰原來住何文田，因為成日見到佢喺柏道出現，一直以為佢住嗰度，咦？嗰度好近何生位緋聞女友屋企喎！何鍾泰為咗呢件事喺立會開記招呼冤，話識咗譚小姐十幾年，係唯一一個有車牌嘅女助理，又話冇喺譚小姐屋企過夜，夜晚有走，只係記者見唔到啫，咁當然譚小姐識普通話，又係佢成日上門請教嘅原因。
傳真︰2623-9278
電郵︰