【本報訊】「夜晚見到啲車好似『舞龍咁』左搖右擺喺條路度行，估佢哋十居其九都係酒後駕駛，我哋會第一時間避開或收慢讓對方行先，免被殃及。」的士司機從業員總會主席梁達之，對於有同業在車禍中疑被酒後駕駛司機撞死，感到十分難過。
梁達之說：「的士司機經常揸住架車喺馬路上周圍去，有一定風險，只能打醒十二分精神，盡量小心駕駛，但有時真係避無可避，出咗意外只能歎句無奈！」
他又謂：「以前啲人飲完酒揸車情況重嚴重，特別係夜晚同凌晨時分，啲人飲酒消遣後揸車好普遍，對我哋呢啲職業司機形成好大危險性！」但自從警方近年對酒後駕駛行為加重刑罰，任何交通意外涉案司機必須接受酒精測試後，大大增強阻嚇力，的士司機在路面上碰上醉酒司機情況已大為減少。
的士商會理事長文漢明亦表示，不少意外並非的士司機本身出錯，只有所有駕駛者一起自律，才能大大減少發生交通意外。