政府削大學經費，財爺同李國章表面上互相交波，其實暗中較勁。面對學生罷課浪潮，唐唐無懼衝擊，噚日重深入虎穴，去城大接受榮譽法學博士學位。
其實唐唐做局長前係城大校董會副主席，佢家族公司要員林大輝又捐過唔少錢畀理大，可以話同呢兩間率先發起罷課嘅大學素有來往，唐少冇理由唔知校長同師生種種動作背後玄機，反觀「亞瑟王」李國章領導中大時，同其他校長爭分餅仔，今次自己揸刀切餅，有乜差池都可能爆大鑊。
城大雖然資源緊絀，但頒榮譽學位呢啲本小利大嘅公關工作就絕不手軟，除咗唐唐，前新華社香港分社副社長張浚生、普林斯頓大學電腦科學系教授姚期智同滙豐大班艾爾敦都獲頒榮譽學位。
程志遠、陳亮華攝
傳真︰2623-9278
電郵︰
