梅艷芳自上周在紅館舉行個唱以來，每次她介紹嘉賓出場，現場觀眾例必大叫劉德華的名字，華仔終在前晚到紅館欣賞阿梅演出，並在台上自稱成為阿梅監護人，且每晚致電阿梅慰問，認真夠朋友。
梅艷芳的演唱會舉行以來，每晚都聽見觀眾大叫劉德華的名字，前晚觀眾又大叫華仔時，阿梅說：「我都話要擺佢個紙板出嚟，你哋睇吓下面，點解唔係紙板嘅？」只見華仔站在控制台上與觀眾揮手，現場觀眾即起哄，華仔只好走落觀眾席再上台。
阿梅向華仔表示不知為何每場的觀眾都會叫其名字，華仔謂：「我哋係膽拖嘛，有你就有我。」哄得阿梅十分開心，大讚華仔是其一世的好朋友，華仔說：「幾個月前我做咗佢監護人，佢有乜頭暈身㷫、唔肯食藥，我個電話就響。」
華仔談及一次致電問阿梅聲音情況，他並扮阿梅的語氣說：「唔係幾好呀，唔係幾夠氣。」阿梅即流露出一副甜入心的表情，她說：「佢咁忙，但晚晚都打畀我，問我有冇食藥，呢份情我好感動，有一日佢半夜三點幾打嚟，我問佢喺邊，佢話拍緊戲，不過佢呢輪好忙，都唔得閒理我。」華仔聞言即說：「我呢兩日得閒，你死喇。」之後二人手拖手合唱《月亮代表我的心》。
阿梅完騷後接受訪問，被問到是否見到華仔特別開心，她說：「今日開心係因為聽日放假。」
此外，陳慧琳、譚詠麟及林子祥等前晚擔任阿梅嘉賓，陳慧琳以男裝打扮出場，邀請阿梅陪她過一晚，阿梅即親她面頰，又謂：「我晚晚瞓喺你張床都得。」兩人隨即表演了一段貼身舞。
當阿Lam出場時，阿梅說：「如果冇沙麗（葉蒨文），阿Lam會娶我。」阿Lam向她送上十一支鮮花，並謂那代表最愛，阿梅說：「唔好俾沙麗聽到。」阿Lam說：「我聽得一半，乜都聽唔到。」
採訪：卓寶花
攝影：陳志嵐
