噚日係懲教人員總工會成立嘅日子，主席就係大家都唔會陌生嘅黃偉雄，佢喺公務員減薪一役中，經常慷慨發言，曝光率大增，之後有一排退下火線，但終於又忍唔住要重出江湖，搞呢個跨階級嘅懲教署工會。
公務員事務局局長王永平前日先講完不排除會搞「雞翼餐」同削津貼，黃偉雄喺噚日工會成立儀式嘅演詞中，不忘回敬幾句暗寸平叔：「近來可能阿王局長退咗休，應該話佢離開公務員隊伍之後，似乎係非常有氣魄，大力更改我哋公務員服務條件或者薪酬福利，係時候我哋都要好努力，同佢一齊合作，爭取我哋應有嘅權益。」
傳真︰2623-9278
電郵︰