政務司前任司長陳方安生落咗台咁耐，仍然魅力四射，主要原因係陳四萬講嘅嘢啱香港人聽，捉到民意。
八方日前同一位官場朋友傾偈，講起官場嘅老規矩，就係一退下，就不再公開議政。陳太當然明白，但係點解佢仍然發表意見呢？冇嘢，或者因為佢係一名香港公民，言論自由，有基本法保障，任何高官，如果一退休就要收聲，就冇人肯報教政務官，何況老董嘅政策真係冇鋪好嘢，叫人不可坐視不理。陳太當年劈炮唔撈，官場一直傳佢同老董「道不同，不相為謀」，原來導火線係23條，加上陳太一直反對行高官問責制，認為要保留原有制度，由政務官治港，於是陳太一走，老董為所欲為，咪搞成今日咁倒瀉籮蟹囉。
陳太今日又蒲頭，出席英國文化協會《英語教師網絡》嘅成立典禮，大家又不妨去睇吓。
傳真︰2623-9278
電郵︰