「六四」工運領袖韓東方噚日講開中國勞工受剝削嘅近況，令八方對內地法治大開眼界。話說鄭州有間資產值成幾百萬嘅國營工廠，竟然俾有勢力人士以「零」價錢私營化，又只肯賠雞碎咁多畀工人做遣散費。工人今次唔單止識上街，重識請兩個律師做顧問，點知律師俾人威脅，如果接單案，下年就唔使旨意通過市政府一年一度嘅執業審查，牌照都會冇埋。
韓東方就教班鄭州工人可以請其他城市嘅律師，例如武漢律師，因為佢哋只會驚武漢當地政府，唔使驚鄭州當局威脅，到下次武漢工人出事，又可以掉轉請番鄭州律師。
嘩！如果有一日港島嘅律師只敢同新界佬打官司，咁香港嘅法治會變成點呢？
（圖）「六四」工運領袖韓東方教啲受剝削嘅內地工人，點樣請律師打官司。
傳真︰2623-9278
電郵︰