日產代理為全新Cefiro鋪路嘅連串推廣活動，可謂不遺餘力，連續兩個星期搞咗多個SoftLaunching，比較起硬Sales部車要來得更容易為車迷受落，亞Mark聽聞部新版Cefiro，重惹來唔少正面迴響，收到唔少預訂Order㖭！相信新任嘅總舵手AlexLee，都可以飲得杯落喇！之不過，一眾同級對手亦正虎視眈眈，響上個周末及周日，重不約而同大力宣傳佢哋部豐田Camry同本田Accord；惟亞Mark打聽到部新版Cefiro，定價不過係22萬9千元，加上價值超過1萬6千蚊嘅新車免費護理套餐，以Cefiro本身出眾嘅造型、VQ系列一台全新V6偈嘅超卓性能演繹，加埋豪華吸引嘅車廂陳設，相信要企穩同級嘅前列位置並唔難。若然車迷有興趣想近距離睇吓部車的話，嚟緊今個月下旬（11月22日），新款Cefiro響尖沙嘴會有個大型車展，屆時記得去睇吓喇！