初試啼聲嘅寶馬X5，面世至今備受追捧，成為一部熱賣嘅CitySUV；然而，廠方早前為應一眾年輕用家要求，而研製出全新X3系列，明顯車體尺碼要較原有X5細一截，惟出眾性能及操控性不減之餘，廠方為證明X3有Off-road嘅越野能耐，早前響西班牙舉行X3全球發布會嘅同時，重特意安排咗一個Off-road場地，供各地汽車傳媒實地測試吓Off-road一面，又豈會虛有SUV外形咁簡單呢！
記者、攝影：李勤
響一片泥濘嘅情況下，新款X3一套xDrive恒式四驅系統，表現出如履平地嘅抓着性，自行將動力轉移到合適嘅車輪上，令車子能夠駛離惡劣路面環境。
近年不少高性能SUV，均有配備一套名為HillDescentControl（HDC）系統，就算要駛落達70度嘅斜坡，全程HDC會自行以低檔，配合四輪ABS以輕描淡寫形式操控駕駛，惟HDC亦可利用於急斜嘅上坡用，有效車速範圍響35km/h內，若車速超過60km/h的話，HDC系統會自行關上呢！
後話：若你想知道更多關於呢部寶馬X3嘅資料的話，咁就記住要留意我哋嘅特派記者，喺明日為大家帶來嘅西班牙實地試車報告喇！
